اقترااااااااح بتمنى من الكل الرد..

الحب.......
أعظم كلمة يكتبها القلب..
حب الحبيب..الصديق..الأخ..الأم والأب..وأعظمها حب الحياة..
من لايحب الحياة لايحب أي انسان في الدنيا حتا ذاته..
مابعرف في ناس رح تشوف هالحكي فلسفة..
وفي ناس رح تحسو واقع..
وفي ناس رح تئول عنو حكي فاضي..
كل مين رح يحكي حسب تجاربو وحياتو واختلاطو بالناس..
بس انا البهمني شي واحد..
كل الناس مرت بتجارب حلوة ومرت بتجارب مررة..
الغلط لما منخلي نتيجة هالتجربة نتيجة عامة عالكل..
لأن بالحياة في ابيض وفي اسود..
حابة نراجع انا وانتو حياتنا من البداي وبتمنى من كل شخص
حابب يحكي ئصتو اللي مخلايتو ياخد هالفكرة ان كانت ايجابية او سلبية
ونناقش كل امر سعيد او تعيس بحياتنا اذا ما عندكن مانع طبعا
وعبود رح يفتحلنا باب جديد بالمنتدى لنناقش هالامور..
بتمنى من الجميع الرد عالاقتراح..
ورح كون أول وحدة واحكي وجهة نظري والامور اللي خلتني اخدها..
قريبا رح نفتح الباب ومنتمنا مشاركاتكن جميعا..

______________________________
صحيح الزمن ما انصفني كثير ولا قصر معاي بأوجاعه
بس علمني أكون بكل شي كبير اشتري شخص ما أنوي وداعه
أعطي بصدق وما انتظر عطا الغير
أحب ويكفي إني أحب وهذي قناعه
مانفعي منطقي بس بالاول والأخير
هذا قلبي ياناس وهذي طباعه

لارنيم مابتوقع انو حدا يفهم الكلام لا انو كلام فاضي ولا انو فلسفة
برئيي واقعي واقعي جدا
أنا بصراحة وجهة نظري ايجابية
يعني مابعرف شو بدي ئلك
بس أحلى شي الحب بهل الحياة
بس المهم يعرف يختار الشخص المناسب
هدا اهم شي
واذا الواحد تخطى هل الشي فمابتوقع انوا تشوفي مدايق بحياتوا
الحب حلو يا رنيم بس بنفس الوقت عذابوا صعب
يعني بئدر ئلك انو الحب يابيخلي الواحد يعيش حياتوا ومايندم على شي بهل الحياة
يا أما يدمر صاحبوا ويخلي يكره الساعة يلي سلم ئلبوا لوحدة
شكرا يارنيم على هل الموضوع
بصراحة بدنا من زمان موضوع هيك
يكون في نقاش
تقبلي تحياتي الخالصة

حكيك يا رنيم صح وفعلا نحنا بحاجة انو نحكي تجاربنا وناقشها مشان نقدر نغيير الفكرة يلي اخدنها عن هالتجربة الفردية لكل حدا فينا
بس المشكلة انو نحنا تعلمنا من الصغر انو نكتم وما نحكي قصصنا وتجاربنا لحدا واذا حكينا نحكي لشخص واثقين كل الثقة انو ما رح ينقل القصة ويحكيها هون وهنيك لانو عنا داء اسمو الخوف من حكي العالم هاد الداء يلي ما قدرنا نتخلص منو لانو اهلنا وعونا عليه من وقت ما وعينا عن الدنيا