أسئلة بايخة

متسطح بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟
لأ !! عم ارقص.. بس الوضع بيوحي إني نايم

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
لا والله لساتنا عالطريق، في عجئة بالشارع


لابس أحلى أواعيك ومتعطّر وشايل مفاتيح السيارة وجزدانك وطالع لبراة البيت، بيجي
حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح الدش

حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشه علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم جرب صوت طنة الأرقام


حاطط راسك ونازل هري بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة

عم تتفتل بسوق الموبايلات ، بصادفك شاوي شماخه لنص طيـ ـو، حامل نوكيا
وعم يسأل صاحب المحل: هاظا شاشتا إملونه؟؟ N95
لأ حبيبي - هات من إيدك - هاد سكودا حطولو الكاميرا بعدين موديل قديم

مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب
لا والله بالعادة بفكر ألعب دء طميمة وماروح لعندهم

نفس المذيعة بشوف ولد بالشارع وبتساله؟ حبيبي بتحب بابا وماما؟
لا مابحبهم , بحب البوسنة والأرجنتين

واحد فايت ع جماعة وشايف الوضع بالبيت معتم والمكتوب مبين من عنوانه، شو مقطوعة الكهرباء؟
لأ حبيبي بس هيئتك بدك تعمى

بتطلع بميكرو وبتحط هيك وبتطلع (سبعة) وبتعطيها للي ئدامك، وبكل برودة بيئلك: واحد ؟
لأ 60 !!!!!!!!!!!!!!!!!؟ ورجعلي الباقي


أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
لأ ... عندي 10 طلبيات، بس وقفت حيونة

بدك تنزل من الميكرو: عاليمين زكاتك.... بتتلقى الرد: نازل ؟؟
لا والله بس عم جرب صوتي

يمكن صرنا متعودين عليها وصارت جزء من حياتنا وصار صعب ما نسألها

لا في وحده بتليق فيكم يا طلباب المعهد


وهي
بتطلعو من القاعة وبتنزلة تحت مشان ماتحضرو المحاضرة ... بتجيك وحدة بتحضر لوحدها وبعد ما تحضر
بتقول ليش ما حضرتو