هل أنت سئيل...!
واذا كنت سئيل فما هو مستوى سئالتك..!
للاجابة على هذه الأسئلة ماعليك سوى اجراء هذا الاختبار...
* السؤال الأول:
اعتبر حالك فايئ من النوم ومالل ودايئ خلئك..وواصلة معك لفوء..قمت بدك تغسل وشك (أحلى وش انت وفايئ من النوم) فجاة بتطلعلك نملة بدها تفوت على انفك..ماهي ردة فعلك؟؟
1_ بتمسك النملة وبتفعسها بأصبيعك وبتصير تتكركر وتضحك
2_ بتبعدها عن وشك وبتنئفها وبتصير تسبها وتعيط عليها
3_ بتخليها تفوت بأنفك
*السؤال التاني:
اعتبر حالك راجع من المدرسة أو الجامعة أو الشغل..فتت عالبيت لئيت الوالدة عم تتمشى بالصالون
وعم تفكر شو بدها تلبس مشان تروح بكرا لعند جارتها الداية ام تحسين..شو بتعمل؟؟
1_بتساوي حالك تعبان وبتصير تصرخ وبتمسك ألبك بايدك متل يلي جاييتو سكتة ألبية انت وعم تقول:
ألبي يا امي..ألبي..ألبي الحئيني..
بس تشوفك امك وتجن وتتصل بالمشفى..بتقلها:ألبي متعلئ بحب الوطن..حب ورتانو عن جدودي هع هع
2_ بتجي شوي شوي من ورا امك وهيي سرحانة وبتعيط بادنها: مسا الخير اميييييييييييييييييييي..
طبعا هيي بتنئز وبتقلك وجع يئشلك هالرئبة يا ابن ال...ينزع مساك على هالترباية
3_بتطلع على غرفتك وما بتساوي شي
*السؤال التالت:
اتخيل حالك انو نعسان كتير وجايتك القيلولة ورايح على غرفتك ..بتئوم بتلائي اخواتك الصغار
فاتحين على سبيس تون ونازلين ضحك وضرب ببعض..شو بتعمل؟؟
1_ بتجيب مكنسة الكهربا وبتبلش تكنس ادام التلفزيون بتغطي عليهم (متل الفيديو كليب تبع اليسا)
2_ بتعمل حالك بدك تشحن الموبايل تبعك بتقوم بتفصل فيش التلفزيون..وبتقلهم: ييييييييي اسف
3_ بتعئد بتتفرج معهم (الله لا يكبرك)
*السؤال الرابع والأخير:
بعد العشا اشتهيت تويكس او اي شوكولا (شكليطة مشان العالم الأكابر ما تزعل) ونزلت تشتري من السوبر ماركت
ولئيت سيارة اخوك هنيك شو بتعمل؟؟
1_ بتنزل شوي شوي لتحت وبتنفسلو الدوليب الأربعة
2- بتسلم عليه وبتجبرو ياخدك يعزمك على عشا
3_ بتشتريلو شوكولا معك
[size=24]___النتيجة___
[color=indigo]اعط نفسك لكل اجابة رقم واحد (3 درجات)
كل اجابة رقم تنين (درجتين)
كل اجابة رقم تلاتة (درجة وحدة)
*9__12*
انت سئيل كتير..حالتك خطيرة..ويمكن تتحول سئالتك لهبل رسمي
الحل:خلي امك تتدهنلك راسك بزيت سيارات 80 مرة بالثانية وان شالله بالشفا
*5__8*
انت سئيل وسلال شوي..مستوى سئالتك معئول بس لا تفكر انو دمك خفيف كتير
الحل:لازم تؤمن انو انت سئيل وبمراحل الغلاظة الأولى..بنصحك تاكل عصفور قبل الغدا مرة وحدة بالسنة
*4__5*
انت ما الك علاقة بشي..ميت والناس عايشين..
انتبه على حالك لأن أهلك احتمال ينسوك ازا سافرو على شي مطرح
الحل:تحتاج الى دورة خياطة وسئالة بنفس الوئت مكثفة جدا