ظاهرة الغياب الجماعي

:ظاهرة الغياب الجماعي شو سببا ملل من المواد ولا مضيعة وقت وليش وشو اكتر قسم عم يصير فيه هالظاهرة وليش بباقي الكليات ما كتير بنشوف هالشي

والله انا بظن انو السبب بالطلاب أولا وتانيا من طريقة الاعطاء المملة
وما منشوف بباقي الكليات هالشي لأنو هني أصلا ما مضطرين انو يداومو عالنظري
انا هيك رأيي وبظن انو أكتر طلاب متسيبين هني طلاب الانشاءات لأنو انا كنت واحد منون والهروبات الجماعية على ابو موزة
ما بظن انو في جمعة بالمعهد حضرناها كاملة طبعا الشكر لألي ولكام طالب متفوقين

أحلى ظاهرة بالعالم هي ظاهرة الهروب الجماعي بحس حالي هربت من السجن وأهم شي مشان نسجل حضور عند ابو النور خطي بيزعل

حلو الهروب عنجد
مع انو في عالم كتير بخربوا علينا بس مامهم
احيانا بؤول انو مابصير بس عادي يعني ما بكفي سنة كاملة بدون شي خلصونا ياااااااااااا
لسا بدكن تعترضو كمان........
]

يا جماعة والله ظاهرة الهروب الجماعي هيي من أكثر الظواهر اللي بتجسد روح التعاون والمصير المشترك بين الطلاب بس للاسف في بعض الناس بخربو على غيرن وبينسو شي اسمو تعاون ومصير مشترك بيخلونا لحتى نفئس (نهرب) وبعدين بتشتغل الندالة بيرجعو بيعملو حالن شطورين وبيحضرو بالاخير هدا رأيي ووجهة نظري وشكرا على هالموضوع المهم .

معك حق يا علوووش لانو المعهد مو كلو محاضرات وبس
نحنا لازم نتعلم من الحياة الجامعية اشيا تانية غير الدراسة
متل روح الجماعة والتحدي وغيرها......

انشالله بتصير كل محاضراتنا هروب جماعي اي صارو البنات يهربو قبل الشباب

طول بالك ابو الشباب مو كل المحاضرات تصير هروب جماعي بعدين بصير المعهد مالو طعمة انا كنت حب الهروب الجماعي بس ايمت لما يكون اليوم طويل وكلو محاضرات وتجي محاضرة الساعة 2 ونص متل قومية او انكليزي او اي مادة ثانوية اي هون الهروب الجماعي ضروري بس مو الساعة 8 ونص الصبح اول محاضرة تروحو تهربو ولمادة مهمة واساسية
مشكورعالموضوع

ياعمي شو بدكن بلأسباب وبلا وجعة هل الراس هربوا ياعمي هربوا عمروا ما حدا يرت هههههههههههه