طلب مساعدة

السلام عليكم و رحمة الله و بركاته

انا طالبة سابقة بالمعهد تخصص رسم و انشاء هندسي
مستنفذة سنوات الدراسة و بالدورة الصيفية رح قدم لختبارات لاني حاملة بعض المواد من السنة الاولى و السنة الثانية
لذلك بتمنى من اهل الخير تساعدوني على الحصول على المواد
و بكون ممنونة الكم ولكم الاجر و الثواب عند رب العالمين
معلومة اني مغتربة بالسعودية ما بقدر اتواجد بالمعهد
بطلب منكم المحاضرات
والمواد هي
انشاء و تفصيلات السنة التانية
تجهيزات سنة تاني
انكليزي سنة اولى
مبادئ عمارة و تخطيط مدن سنة اولى
معلوماتية سنة اولى
صيانة مباني سنة تاني
بيتون سنة تاني
وانا بحاجة للمساعدة لان هذه اخر فرصة قدامي للتخرج و بتمنى تساعدوني

يا شباب شي حدى ينزل المحاضرااات لأنو انا انشاءات ماني رسم كنت نزلتون انا

شكرا لمساعدتك ماركو بتشكرك كتير

هاد واجبنا بس شايفلك ما حدى عم يرد

أهلا وسهلا شهد
تكرمي إنشالله بنزلك المحاضرات اللي بقدر عليها
شو أستاذ عبود مين بدك تفصل

وعليكم السلا ورحمة الله وبركاته
اي اخت شهد أنا مستعد ساعدك ولا يهمك
أنا بدرس قسم رسم سنة تاني الحمد لله
بس في شويت مشاكل بلموضوع
في مادة مابعرف شو هي (مادة صيانة مباني)
نحنا ماأخدناها لا سنة اولى ولا سنة تاني
وبلنسبة لمادة التفصيلات ومبادئ العمارة مافي عنا محاضرات
يعني شرح بل المرسم وبس
ومادة الانكليزي بنصور يلي مطلوب منك بلسنة الاولى
وباذن الله بنحل هل المشاكل
اما المشكلة الأهم
انو صعب نزلك ياهن على المنتدى
لأنو كل مادة بتطلعا شي 60 او 70 صفحة
فصعب نزلن على السكنر
بس اكيد مافي شي صعب انشاء الله بنحاول نحل هل القصة
أو اذا بتحبي ابعتلك المحاضرات على السعودية
ماعندي مشكلة
وانشاء الله بقدر فيدك يا أخت شهد باذن الله

شكرا لك اخ رامي وكتير بيسعدني مساعدتكم الي


شكرا داغستاني و الله يوفقك و تنجح و تتخرج هالسنة وكتر خيرك على المساعدة و الله يقدرني و ردلك جميلك و هالجميل فوق راسي ما رح انسالك اياه طول عمري
بالنسبة للمواد
انت قلت انه مادة صيانة ما بتعرفها يعني التغت ممكن تسألي عنها اذا انا بدي قدمها و لا لأ
ومادة التفصيلات و مبادئ عمارة قلت ما في محاضرات يعني صارت رسم و اذا صارت رسم ممكن تقلي شو الشي يلي بترسموه بالتفصيل عشان اعرف شو ممكن يجي بالاختبار
والانكليزي الكتاب المطلوب هو نفسه لايف لاين ولا تغير
اما شلون تبعتهم انشاء الله ما بيصير مشكلة بنحاول نحلها
بس حاول تكون دائما على تواصل معي عشان اعرف شو عم يصير مستجدات معك
وحاول تنزل يلي بتقدر عليه
واخر شي بتشكرك على يلي عم تعملو معي وعم تعبك معي كتير اعرني انا اسفة
بس هاي اخر فرصة قدامي لاتخرج و انا عنجد بحاجة للمساعدة

هلا أخت شهد
مادة الصيانة شو هي متل مادة إنشاء المباني يعني
ومبادئ العمارة في نوطة خارجية إذا بتحبي
أول شي إنتي قلتي إنك مستنفذة فلازم تجي وتقدمي وتسجلي
وتكتبي تعهد لإن بإمكانك اتقدمي المواد من مية غير هيك لا يقبل أي شئ
وبالنسبة للإنكليزي لا اتغير

اولا شكرا الك اخ رامي وكتير ممنونة الك وكتر خير على اهتمامك

بالنسبة للمواد
مادة صيانة مباني هي عبارة عن ترميم المباني التاريخية و صيانة و اصلاح المبانية الخراسانية ما بعرف اذا كانت نفسها انشاء مباني او غيرها بس على دورنا كان انشاء مباني مختلف تماما هلأ شو صار ما بعرف
ومبادئ عمارة قلت نوطة خارجية يعني موجودة عند مكتبة غندور ولا لأ
والانكليزي شو صار واذا بدي قدم اختبار اي كتاب بدي قدم الجديد و لا لايف لاين من بعد اذنك ممكن تسألي
اما بالنسبة للتسجيل فأنا مسجلة و كاتبة تعهد و بدي قدم موادي كلهم من مية عاملة الورقة لازم كله باقي علي احصل على المواد

ومرة تاني بتشكرك على فضلك ومساعدتك و بعتذر اذا عم تقل عليكم

ولو شهد شغلة بسيطة
هلئ مافي مادة اسمها صيانة مباني ومن كلامك هي غير انشاء المباني
إنتي وقت سجلتي المواد سجلتي عهيك مادة شي
والنوطة إي موجودة بالمكتبة
ولو نحني زملا عيب هالكلام قال تقلت قال

تسلم كلك ذوق خجلتني بكرمك و ذوقك

اي سجلت عليها ولما كتبت التعهد هاي المادة كانت من ضمن باقي المواد لاني دفعت مصاري على كل مادة حتى هاي دفعتلها
شكرا الك كتير

شو يا شباب
يا اهل النخوة والشهامة وينكم مو مبينين
ما قدرتو توصلو لشي
بترجاكم حاولو تساعدوني

والله انا انشاءات يعني ما فيني ساعد

شكرا سوكو على تقديم الخدمات كل زوق

السلام عليكم
شهد وين اختفيتي
كيف بدنا نوصلك المحاضرات خبريني بس
وإنشالله خير

انا اسفة اني اختفيت
بس انا مراقبة عامة بمنتدى تاني والتهيت فيه كان في مشاكل بعتذر منكم كتير
توصيل المحاضرات مو مشكلة امرها هين في رفيقتي ممكن تروح على المعهد وتقابلك هنيك
اما انك تحصل على المعلومات وتساعدني هاي الاهم
لانه بهالمعهد ما في حدي تقدر تستفيد منه كلهم وجهم ناشف وفورا بيقلعو الواحد عاد شلون رح تقدر تجبلي شوفي اخبار
انت وقت بتوصل لاي شي جديد قلي وانا بخلي رفيقتي تروح على المعهد وتاخد منك المحاضرات
بتشكرك جدا على الاهتمام
ممنونة الك

شو صار معكم شباب ما حدي قدر يوصل لشي من المعلومات
رامي انت بتدخل بتسأل شي سؤال وبعدين بتختفي
بدي منكم طلب واحد بس تعرفولي مادة التفصيلات شو بيجي فيها وشو هو المطلوب
هاد كلشي بدياه منكم بتمنى انكم تساعدوني
شكرا لكم عم عذبكم معي

شهد تكرم عيونك
خلص بكرا أنا بشفلك المواد لإن رح نقدم سوا بالصيف
وإنشالله خير منتفق على التفاصيل بس إنتي ماتغطي

انا موجودة وما رح غط انشاء الله
انا وصلتني كل المواد باقي مادة التفصيلات ما بعرف شي عنها
الله يكرمك ويسلمو ايديك
انا نازلة على سوريا بعد شي شهر معناها بشوفك هنيك
عم عذبك معي
يعطيك العافية
واذا بتقدر تجبلي نمازج الاسئلة تبع المواد بكون ممنونتك

عنجد مبروك شهد
والله كنت حابب أخدمك كتير عكل حال موفقة
تكرم عيونك هاي بسيطة وجاهزة
بشوفك إنشالله بعد شهر
لاه ولو عذاب شو نحني زملاء عيب هالحكي

اي شهد
الحمد لله انو وصلك كل شي
وعفكرة انا مستغرب كيف وصلوكي لأني بتذكر اني ئلتلك اني رح دبرلك ياهن
بس عنجد صعب كتير يعني ولا واحد من يلي بعرف لسا محتفظ بلمحاضرات

عكلن بشان التفصيلات هاي عندي ولا يهمك
اليوم عملنا فحصا ويا ريتنا ماعملنا
جابتلنا مسقط
وطلبت منا مقطعينA-AوB-B
ومسقط اساسات
وتفصيلة باب خشب
وتفصيلة الدرجة الاولى والأخيرة
وتفصيلة الطابق الأرضي
وتفصيلة الطابق المتكرر

وكل هدول ب3 ساعات
وعفكرة رحتلاقينا كلنا بلصيف
يعني يمكن نحنا شي 60 طالب بيحملا منن للمادة 50 بدون مبالغة

يا عمي انتو طلاااب الرسم كسلانيييييييييييييييييييين

داغستاني الله يبشرك بالخير خليتني اتفائل كتير يعطيك العافية
هههههههههههههههههههههههه
هلأ الاسئلة في منها فهمته في شي ما فهمتو

تفصيلة الباب وتفصيلة الدرج وتفصيلة الاساسات
هدول ما فهت شلون يعني
تفصيلة الاساسات مو نفس الرسم المدني
عاد عم تحكي هالحكي وانتو بس رسم وهاي متعودين عليها لانه نص المواد رسم
تعا شوف وقت قدمتها انا كانت رسم وشرح التفصيلات هاي الاجتكم بالاختبار تبع طبقات الطوابق
معها في كتاب كبير نظري ومعقد جدا
عاد قلولي شو كنتو عملتو بحالكم
يا سيدي الله يكون بالعون صايرين هالاساتذة رايقين كتير وعم يتفننو بحط الاسئلة


طيب سؤال البيتون اسئلة عادية ولا اتمتة
والانكليزي كمان اختبار عادي ولا اتمتة

يا ريت تجاوبوني
بتشكركم كتير

اي شهد ضحكي لئلك
المهم هلئ تفصيلة الباب نسيا لأني ماحدا منا بيعرف كيف يرسما عطتنا الورق وئالتلنا فرقونا بريحة طيبة
تفصيلة الدرج سهلة مافيا شي وتفصيلة الطوابق كمان سهلة
والاساسات مانا تفصيلة
الأساسات مسقط
يعني بتشمي المسقط العاطيتك يا اعمدة وجدران بس وعند العمود بترسمي تفصيلة الاساس

وعفكرة الكلام يلي كنت عم تقوليلي يا عدوركن لساتوا عدورنا وبدك تطبقي بمسقط الاساسات يعني ئلو جدول خاص في بتشرحي اد مافينك في

بس بل مشاريع كانت طالبي هل شي منا يعني شرح ةتقاصيل وجداول
وعطتنا 3 مشاريع
أنا عندي 2 منن وبدبرك ال3 ولا يهمك

وبلنسبة للبيتون بيجي اتمتة واليوم عملنا الفحص
مافيو شي يعني كان سهل
والانكليزي كمان اتمتة وسهل كتير
تمام هيك شهد

كتير تمام وانا منونة الك كتير
ريحتني عشان البيتون والانكليزي
كنت خايفة من البيتون كتير لانه في مسائل وكنت خايفة شلون بدي افهمها واكلة همامها
الله يطمن قلبك متل ما طمنت قلبي
اما عشان التفصيلات كتر خيرك على الشرح انا برأي بس انزل على سوريا بشوفك وبتشرحلي على الواقع اظبط هون ما رح كتير افهم عليك
لانه شايفتلك مبادئ العمارة و رسم المدني و التفصيلات كلها دخلت ببعض بطلت استوعب شي

بس بدي طلب اخير تحاول تئملي اسئلة الاختبارات

عشان اخد فكرة شلون بتجي الاسئلة وشوف حالي رح اعرف حلها ولا لأ

شكرا الكم كتير وعم عزبكم معي
بس شو اعمل هاي ضريبة الغربة