طلب مساعدة

طيب يا شباب اذا بدي شوفكم يوم الاحد
وين بلاقيكم

ولا يهمك شهد اذا ماساعدنا بنت بلدنا مين بدنا نساعد
وبعدين نحنا عملنا المنتدى بشان نساعد بعضنا ونضل على تواصل مع بعض
وبشان شوفك وين مابدك
طيب شو رئيك بلجامعة
وبشان يوم الأحد قصدك بكرا
اي ساعة مو مشكلة
طيب رح اعطيكي ايميلي
وبنتفق

طيب الثلاثاء اذا رحت على المعهد بلاقيكم

وشكرا كتير على اهتمامكم وحسن تعاملكم واخلاقكم الطيبة

نحنا اليوم رحنا على لمعهد بس ماكان في غيرنا
هلء انا بلنسبة الي صار صعب
لأنو صار في عندي شغل ومن بكرا بيبلش
فامابعرف اذا رح اقدر اجي
انا على كل حال بعطي المشاريع لرفيقي رامي انتي بتعرفي مو
بعطي المشاريع وبحاول فهمو شوي شو يشرحلك
وأنا انشاء الله باقرب فرصة بحاول شوفك ونتفاهم

اي انا ليوم رح احكي مع رامي وح خلي هوي يقلك اي ساعة بيشوفك بكرا بلمعهد
لأنو انا مابعرف ايمت بيقدر يشوفك
صحي بس انا ضعت شو بدي جبلك معي
كتبيلي ياهن بشان ما خربط

شكرا كتير على اهتمامك

طيب شوف الوقت يلي بيكون موجود فيه وقلي عشان اعرف امتا اجي ولاقيه

وبالنسبة للمواد ما بدي غير التفصيلات والمخططات واذا بيتئمن معك اسئلة الاختبار بكون ممنونة الك

وشكرا الك كتير ولرامي على خدماتكم انشاء الله بنكافيكم بالافراح

اي شهد حظك كتير حلو
حكا معي المهندس وطلع عندوا اجتماع
يعني بقدر روح بكرا عل معهد
طيب ماشي انشاء الله
شو رئيك بكرا على ال11 الصبح بنلتقي بلمعهد
انشاء الله

انشاء الله بلاقيك بكرة بالمعهد

شكرا الكم كتير وانا منونة الكم على المجهود يلي بذلتوه معي
وتعبتكم معي كتير

واسفة كتير اني ما اقدرت اجي وشوفكم بس صار معي ضروف منعتني اني اجي
بس انشاء الله باقرب فرصة بجي وبشوفكم وبتعرف عليكم

مرة تاني الف شكر الكم

يا شباااب اتفقو على وقت وفوووتو في على علبة الدردشة

اهلين شهد
ولا يهمك
شو طمنيني مشي لحال وصل كلشي ناقصك ولا شو
كمان كسبنا شوفتك امك وتعرفنا عليها
اي عبودي بصير خير

أهلا وسهلا فيكي
شهد ولا يهمك بسيطة كمان
كسبنا شوفة الماما
واتعرفنا عليها عنجد نيالك فيها
والله يخليكم لبعض

تسلمو كتير على ذوقكم

والماما انبسطت كتير فيكم ومدحت فيكم كتير

وقالت منيح انه هي راحت وتعرفت عليكم بدالي
ههههههههههه

مشان الله روحو على علبة الدردشة

رحت قلي مو مسجلة دخول
وما عرفت شلون بدي سجل
وطلعت صفحة بيضاء ما فيها شي ابدا غير انه غير مسجلة
مع التحية

على الزاوية من فووق في زر تسجيل دخووول

ولو شهد ماعرفتي تسجلي دخول بسيطة متل ماقللك
عبود
كيف الدراسة والمواد طمنيني

ليش يا أبو لريم  مفكر انو عبودي هوي بيعرف يسجل دخول اي حاج عاد معليشششششش خلينا نحكي

هاي شباب كيفكم

خلصت اجازتي ورجعتلكم

وانشاء الله ما رح انقطع عنكم رح ابقى معكم بالمنتدى

تحياتي لكم

اي الحمد لله علسلامة يا شهد
بس طمنينا شو صار بموادك
لساتك بسوريا
ماشفناكي بلمعهد

الله يسلمك

وموادي ما شي الحال متفائلة اني ارفعهم والباقي بايد الله

صرت هلأ بالسعودية قعدت بسوريا شهرين

رحت كتير على المعهد بس ما عرفتكم

مالي نصيب اني شوفكم واتعرف عليكم

انت ورامي شو صار معكم اتخرجتو ولا لسا

أنا والله ئدمت المنظور وأكيد برفعا علامة كاملي انشاء الله
ونشاء الله بنتخرج
بس رامي مطول كتيررررررررر
نحنا كنا بلمعهد والكل بيعرفنا
كان ئلك حدا بلمعهد تعرفي بتئعدي معوا

انشاء الله بتتخرج والف مبروك مقدما

ليش رامي سنة اولى

كنت بتمنى شوفكم واتعرف عليكم بس مالي نصيب

وانت متل ما بتعرف انا ما بعرف حدي بالمعهد كنت روح قدم وارجع دغري على البيت لا احكي مع حدي ولا قابل حدي

حتى قلك على شغلة بضحك كنت اخجل قعد بالمعهد تلاقيني انا داخلة وخجلاني من حالي لاني كبيرة والطلاب صغار

شو ماركو وينك مختفي مو مبين

بس سؤال ليش ما نزلتو نتائج الاختبارات الصيفية

سمعت انها نزلت

وانا ما قبلت انه حدي يجيبها لاني بدي اخدها من عندكم

عشان اذا النتائج منيحها بيكون وجهكم منيح علي

ممممممممم
انسة شهد انا حاطط بالمنتدى كتير مشرفين بس المشكلة انو ما في حدى عم يشتغل غير هالكام واحد اما بالنسبة الي
فأنا دوبني افضى لشغلاات الادارة والمشكلة انو وقتي كتير قليل وما عم لحق كتير فوت عالمنتدى بقا يا ريت من المشرفين يلي ما عم يشتغلو انو بس يزوقو على دممون شووي

عبود على انو ادارة وانو مشرفين عم تحكي
المنتدى عم يصفر متل البراد الي ما فيو اكل لكن منتدى فيو 122 عضو بيمر اسبوع مابيصر عشر مساهمات ياسيدي ولحتى خمسة هادا منتدى فيو ادارة ومشرفين واعضاء باستثناء كم واحد
بتمنى المنتدى يصير احسن بالايام القادمة